Dakarun rundunar ‘Operation Safe Haven’ da ta rundunar sojojin Nijeriya ta III da ke Rukuba kusa da Jos, sun kama wasu mutane 7 tare da kwato makamai da alburusai iri-iri daga hannun al’ummar yankin Fann da ke karamar hukumar Barkin-Ladi a jihar Filato.
Mukaddashin Daraktan Hulda da Jama’a na rundunar Sojan kasa na sashin, Maj. Aliyu Danja ne ya bayyana haka a lokacin da yake zantawa da manema labarai a ranar Laraba.
Danja ya ce, kamen tare da kwato makaman ya biyo bayan wani samame da sojoji suka kai tsakanin 16 ga watan Yuni zuwa 10 ga watan Yuli.
Maj. Danja ya ce, makaman da aka kwato a yayin samamen sun hada da bindigogi kirar AK-47 guda shida, bindigogin AK-47 na gida guda 16, bindigu kanana 15, da sauran harsashe.
Leadership Hausa
